Փեշմերկաները յաջողեցան գրաւել Մուսուլի ամբարտակի արեւելեան մասը։
Կիրակի, 17 օգոստոսին, Իրաքի մէջ Փեշմերկաները յաջողեցան ամերիկեան օդուժին օժանդակութեամբ
յառաջանալ ու գրաւել Մուսուլի ամբարտակի արեւելեան մասը: Բախումներու ընթացքին սպաննուեցան
ՏԱՀԵՇ-ի բազմաթիւ անդամներ, ներառեալ` կազմակերպութեան ղեկավարի օգնական : Փեշմերկաները
նաեւ գրաւեցին Մուսուլի հիւսիսը եւ Մուսուլի ամբարտակին հիւսիսը գտնուող շարք մը գիւղեր:Մինչ
այդ, Իրաքի քրտական ինքնավար մարզի նախագահ Մասուտ Պարզանի գերմանական կառավարութենէն
պահանջեց զէնք մատակարարել իր ուժերուն, որոնք ՏԱՀԵՇ-ի զինեալներուն դէմ կը կռուին։ Աղբիւրներ
ամերիկեան «Սաուա» ձայնասփիւռի կայանին յայտնեցին, որ տասնեակներով քիւրտեր հաւաքուած
են Սպիտակ տան դիմաց` բողոքելու համար հիւսիսային Իրաքի մէջ ՏԱՀԵՇ-ի զինեալներուն գործած
ահաւոր արարքներուն դէմ եւ պահանջելու համար, որ «մարդկային խիղճը իրենց ողբերգութեան
ուշադրութիւն դարձնէ»: 
| All the contents on this site are copyrighted ©. |