Апошні дзень свайго
апостальскага падарожжа ў Паўднёвую Карэю папа Францішак пачаў з сустрэчы з рэлігійнымі
лідэрамі Сеула. Спатканне прайшло ў старой архідэяцэзіяльнай курыі. Прывітаць Пантыфіка
прыйшлі прадстаўнікі чатырнаццаці рэлігійных супольнасцяў, прысутных у сталіцы Паўднёвай
Карэі, апранутыя ў традыцыйныя строі. У праграме сустрэчы не было прадугледжана афіцыйных
прамоў, але папа Францішак звярнуўся да прысутных з некалькімі словам. “Жыццё – гэта
шлях, у якім нельга крочыць у самоце. Неабходна ісці ў прысутнасці Бога і разам з
братамі. Аб гэтым Бог прасіў Абрагама. Мы з’яўляемся братамі, прызнаем братоў адно
ў адным. Няхай Бог вас благаславіць і, калі ласка, прашу вас маліцца за мяне”, сказаў
папа Францішак.