Папа памаліўся каля дому першага карэйскага святара
Папа Францішак наведаў
санктуарый Сальмоэ ў Тэджоне – месца нараджэння першага карэйскага каталіцкага святара
і мучаніка св. Эндрю Кім Дэ Гона. Санктуарый знаходзіцца ў бацькоўскім доме святога.
Будынак быў адрэстаўраваны мясцовай каталіцкай супольнасцю. Штогадова сюды прыходзяць
тысячы карэйцаў, каб успомніць тых, дзякуючы каму атрымалі веру. Святы Айцец усклаў
кветкі на парог дома і ў цішыні памаліўся тут. Св. Эндрю Кім Дэ Гон жыў у ХІХ ст.
Ён паходзіў з заможнай сям’і, усе члены якой былі католікамі. Яго бацька быў забіты
за веру і таксама з’яўляецца святым. Эндрю Кім Дэ Гон атрымаў хрост у 15-гадовым узросце.
Прыняў святарскае пасвячэнне праз 9 гадоў, пасля вучобы ў семінарыі ў Макаа. Займаўся
прапаведваннем хрысціянства ў Карэі, за што быў арыштаваны і прыгаворны да смяротнага
пакарання.
Кананізаваны Эндрю Кім Дэ Гон быў св. Янам Паўлам ІІ у 1984 г.
разам з іншымі 103 карэйскімі мучанікамі за веру.