Shtegtimi në Kore: gazetat koreane sot (15 gusht 2014)
CHOSUN Editoriali titullohet: “Paqja ka rëndësi për gadishullin e për mbarë
botën”. Presidentja pohon: “Uroj që vizita e Papës të jetë rast i rëndësishëm për
hapjen e epokës së bashkimit. Prania e Atit të Shenjtë këtu është hir për Kishën e
për mbarë popullin korean”. Një foto vigane e Papës pushton gati një faqe. Brenda
gazetës, pesë faqe të tjera kushtuar ditës së djeshme. Ndërmjet titujve: “Papa, i
trishtuar në avion, pasi merr lajmin e vdekjes së gazetarit italian”. Shumë njerëz
kanë përgatitur dhurata për të, sidomos artistët. Gjthsej, 21 tipe dhuratash tradizionale.
Papa lëviz me një Kia Soul, automobil i vogël. Gjatë vizitës “bukën e përditshme”
ia përgatisin bukëpjekësit e “Zemrës së Krishtit” në Daejeon. Sot, festa e Të Ngjiturit
të Zojës në Qiell, njëherësh me festën e pavarësisë: dy festa, fetare e shekullare.
Parashikohet prania e 45 mijë vetëve në World Cup Stadium. Dy këngëtare me famë botërore
do të këndojnë për Papën: So-Su-mi e In-Sun-I. Dje Papa u takua me familjarët e viktimave
të tragetit SeWol. Skena, që i preku më shumë koreanët, është ajo e Papës me dorë
në zemër, që flet e preket thellë duke dëgjuar dëshmitë e dhimbjes: “Familjarët e
tragetit, punëtorë të huaj, të gjymtë…Papa u shtrëngon të gjithëve dorën”. Tri foto
të mëdha për takimin me familjarët e viktimave, me ipeshkvijtë e përgatitjet në stadium.
Papa kërkoi të ftohen 600 familjarë të viktimave në Meshën e 16 gushtit. Pyetjes:
“Po si do t’ia bëjmë, Shenjtëri? Vendet tashmë janë shënuar!”, i përgjigjet: “Po e
bëjmë një flijim, duke u shtrënguar paksa”. Kështu u përgjigj Papa, duke pasur parasysh
se vendi, ku do të kremtohet Mesha, është Gwuanhwamun, i njëjti i manifestimit të
familjarëve. Papa, natyrisht, nuk dëshiron t’i nisë me duar thatë, dëshiron t’u bëjë
vend e t’i ngushëllojë”.
KYUNGHYANG Titulli i hapjes: “Paqja
është rezultat i drejtësisë. Më dhemb për SeWol-in”. Fotoja në faqe të parë e paraqet
duke u takuar me familjarët e viktimave të tragetit. Pesë faqe kushtuar Papës. “Lutet
për demokracinë. Qortim për qeverinë!”. Duhet t’i dëgjojmë fjalët e Papës e ta përmirësojmë
demokracinë në vend, shkruan Kim Hong Sin, një nga shkrimtarët koreanë më të njohur.
Papa nuk qorton hapazi, shton shkrimtari, por të duket se kërkon të bëhet kthesë”.
Komunikimi e dialogu janë të rëndësishme për Papën. Shumë hapësirë (një faqe e tërë)
u kushtohet viktimave të tragetit: “Të gjymtë, refugjatë të veriut të ikur nga regjimi
e punëtorë të huaj. Papa kujdeset më shumë për më të ligshtit. Presidentja do të kishte
dëshiruar të shtrohej në sofër me Papën. Në raste të tilla Park e organizon një çast
convivial. Takimi me ipeshkvijtë. Kisha katolike e Koresë, ndërmjet shekullarizimit
e materializmit. Mos rrini duke kujtuar vetëm martirët e shekullit të kaluar! Mos
u shtangni! Jini gjithnjë plot gjallëri. Sipas shtypit të huaj, vizita e Papës në
Kore është një rast për të afruar Vatikanin me Kinën. Pjesëmarrësit e DRA thonë: “S’ka
gjë më të bukur në jetën tonë, sesa të takohemi me Papën! Nder i madh!”. Familjarët
e tragetit organizojnë një procesion, duke mbartur mbi supe një kryq të rëndë gjashtë
kilogram e të gjatë tridhjetë metra. Ky shtegtim nisi 398 ditë më parë e përfundoi
sot, në Daejeon. Në fillim ishin pak, pastaj u bënë 500 vetë. Duan t’i dhurojnë Papës
kryqin e dhe një enëz me ujët e oqeanit, ku u mbyt trageti. Bashkësia koreane beson
shumë në vizitën e Papës për zgjidhjen e problemeve të shoqërisë: varfëri, diskriminim,
ribashkim, por njëkohësisht e di mirë se problemet e pazgjidhura duhet t’i zgjidhë
vetë vendi.
HANI Hapja: “Shoqëria duhet të vërë në krye të vendit
njeriun, e jo paratë!”, pasuar nga pesë faqe kushtuar vizitës së Papës; shtrëngimit
të duarve me turmën, shitjes së bluzave me portretin e tij, ankimeve se ka shumë kontrolle,
takimit me Presidenten Park e fjalëve të saj kushtuar paqes e drejtësisë; thirrjes
për të mos e lënë pas dore askënd, porosisë “mos u tundoni nga shekullarizmi”, takimit
me 6 mijë të rinj, ardhur nga 22 vende aziatike.
DONGA Titulli:
“Do të lutem, derisa ishulli të bëhet përsëri një”. Fotoja shoqëruese: Papa me presidenten
Park. Dje Koreja e Veriut lëshoi tri raketa e njëkohësisht kërkoi të marrë pjesë në
lojërat olimpike aziatike, që do të zhvillohen në Incheon, më 19 shtator deri më 4
tetorin e ardhshëm. Dhuratat e shkëmbyera me presidenten: Papa dhuroi një nga gravurat
më të rralla të Romës, vetëm 300 kopje në mbarë botën; Presidentja, pëlhurën, që
mund të përdoret si çantë e që paraqet përqafimin e paqes dhe të vëllazërimit. Dreka
e Papës, e thjeshtë ditën e parë; pastaj gjellë koreane. Koreja është zemra e
Kishës katolike në Azi, projekti i parë i Papës në Kontinent.
HANKOOKILBO Titulli::
“Gadishulli do të bëhet një!” Një foto e Papës pushton gjithë faqen. Më 18 gusht,
pëvjetori i pestë i vdekjes së Kim dae Jung, presidentit të ndjerë, që u përpoq me
gjithë zemër për ribashkimin e Koresë. Koreja e Veriu njofton se, me këtë rast, do
të dërgojë një kurorë lulesh. Në aeroport, edhe dy vetë të ikur nga Veriu, që i kërkuan
Papës të lutet për ribashkimin. Në bisedën private, Papa tha se dy Koretë flasin të
njëjtën gjuhë, e kjo mund të jetë fara e paqes. Familjarëve të ndarë, u premtoi ndihmën
e tij. Kisha katolike duhet të jetë solidare me të varfrit e të shtypurit! Pëshkruhet
dhoma, ku banon Papa: 20 m2, shumë e thjeshtë. Pas meshës së djeshme, i
ndihmuar nga një rregulltare spanjolle, dhuroi disa rruzare.
HANKYUNG
KYOUNGJAE (gazetë ekonomike)Titulli: “Padrejtësitë kapërcehen me falje e bashkëpunim”.
Ky, mesazhi i ditës së parë të Papës në Kore. Papa do të lutet për ribashkimin. Përgjigjja
e Park: “Rast i madh për t’u bashkuar”. Sa herë lëviz, pas tij lëviz edhe një valë
njerëzore. Hotelet janë plot. Kjo vizitë po ia kalon edhe asaj të Gjon Palit II. Në
krye të vendit, etapat e udhës , që njihet si “Udha e Martirëve”.