Папа Францішак прыбыў
у Паўднёвую Карэю. 14 жніўня 2014 г., каля 10.15 па мясцовым часе самалёт з Пантыфікам
на борце прызямліўся на тэрыторыі вайсковага аэрапорта Сеўла. “Няхай Бог благаславіць
Карэю і асаблівым чынам яе пажылых людзей і моладзь”, - напісаў Папа ў “Твітэры”,
адразу пасля прызямлення. Сустракала высокага госця кіраўнік дзяржавы Пак Кын Хе.
Цёплае прывітанне і салют, арганізаваны вайскоўцамі, умацавалі атмасферу вялікай радасці,
якая ахапіла Паўднёвую Карэю з нагоды візіту Пантыфіка. Усе галоўныя мясцовыя газеты
прысвяцілі першыя палосы менавіта гэтай падзеі, чаканай на працягу апошніх 25-ці гадоў.
З аэрапорта Святы Айцец накіраваўся ў Апостальскую нунцыятуру ў Сеуле, вітаючы па
дарозе тысячы карэйцаў. Менавіта тут ён будзе адпачываць паміж сустрэчамі і мерапрыемствамі
ў рамках свайго трэцяга міжнароднага падарожжа. У капліцы нунцыятуры Папа цэлебраваў
Эўхарыстыю ў прысутнасці сваіх самых блізкіх супрацоўнікаў.