Presidentja e Republikës së Koresë

Presidente e Republikës është zonja Park Geun-hye. E lindur më 2 shkurt 1952, studimet i kreu pranë “Sacred Heart Girls’ High Schol” të Seulit (1970). U laurua në inxhinieri elektronike pranë Universitetit Sogang të Seulit (1974). Parlamentare e “Partisë së madhe kombëtare” (1998-2012) është anëtare e disa komisioneve kombëtare dhe parlamentare. U zgjodh presidente e Republikës si kandidate e partisë “Saenuri”, më 19 dhjetor 2012. Është gruaja e parë në historinë e vendit, që ngarkohet me këtë detyrë.