Քորէա չմեկնած Ֆրանչիսկոս Պապը այցելեց ''Սանթա Մարիա Մաճճորէ'' Պազիլիքան։
''Չորեքշաբթի, 13 ապրիլի առաւօտեան ժամը 11-ին, Ֆրանչիսկոս Սրբազան Քահանայապետը այցելեց
Տիրամօր Նուիրուած` Հռոմի Սանթա Մարիա Մաճճորէ Պազիլիքան, ուր 20 վայրկեան տեւողութեամբ
ամփոփուեցաւ աղօթքի մէջ “Salus Populi Romani”, – Հռոմի ժողովուրդի փրկութիւն – Տիրամօր
սրբապատկերին առջեւ, այնտեղ զետեղելով նաեւ ծաղկեփունջ մը''։ Յայտարարած է Վատիկանի բանբեր`
Հայր Ֆետերիքօ Լոմպարտին, մատնանշելով թէ Սրբազան Քահանայապետը միջազգային հովուական
ճամբորդութիւններէն առաջ, սովորութիւն ունի Սանթա Մարիա Մաճճորէն այցելել ու Աստուածամօր
հովանիին յանձնել առաքելական ճանապարհորդութիւնը։