Հայաստան – Ատրպէյճան սահմանի վրայ զինադադարի խախտումները նուազած են. ՀՀ Պաշտպանութեան
Նախարարութիւն
Անցնող երկու օրերուն հայ – ատրպէյճանական պետական սահմանագիծի տարբեր հատուածներուն
վրայ կրկին արձանագրուած են ատրպէյճանական կողմէ զինադադարի խախտման դէպքեր։ Այս մասին
կը յայտնէ Հայաստանի Հանրապետութեան պաշտպանութեան նախարարութեան տեղեկատւութեան եւ հասարակութեան
հետ կապերու վարչութիւնը: Ըստ հաղորդագրութեան, զինադադարի խախտումներու պարբերականութեան
նուազումը շարունակուած է: 11-12Օօգոստոսին ատրպէյճանական կողմէն տարբեր տեսակի հրացաններէ
հայ դիրքապահներու ուղղութեամբ արձակուած է անկանոն բնոյթի աւելի քան 100 կրակոց, հայկական
կողմէն պատասխան կրակ չէ բացուած: Հայկական կողմը տուժածներ չունի: Ըստ հաղորդագրութեան,
Հայաստանի զինեալ ուժերը կը շարունակեն վստաhօրէն վերահսկել իրավիճակը հայ-ատրպէյճանական
պետական սահմանագիծին ամբողջ երկայնքին, խստօրէն հետեւիլ զինադադարի պահպանման եւ իրավիճակին
համարժէք գործողութիւններու կը դիմեն միայն հակառակորդին կողմէ արձանագրուող միտումնաւոր
խախտումներու պարագային: