Տելհիի առաջնորդը կը խնդրէ պետութեան միջամտութիւնը վերջ տալու քրիստոնեաներու դէմ յարձակումներուն։
Հնդկաստանի Նիւ Տելհի թեմի առաջնորդը` գերապայծառ Անիլ Քութօ մամուլին հետ ունեցած ելոյթով
յայտնեց իր մտահոգութիւնը քրիստոնեաներուն ու եկեղեցւոյ կալուածներու դէմ աճող յարձակումներուն
ի տես։ Առաջնորդը խնդրեց որ տեղական իշխանութիւնները պատշաճ կարգադրութիւններ որդեգրեն
վերջ տալու քրիստոնեաներու դէմ կատարուած ատելութեան քարոզչութեան, պահպանելու համար
ընկերային խաղաղութիւնը ու ներդաշնակութիւնը։