Касцёл у Іраку кажа
пра “гуманітарную катастрофу” і “рэальную рызыку генацыда” на поўначы краіны, дзе
ісламскія баевікі пачалі пераслед хрысціян і прадстаўнікоў іншых меншасцяў. Пасля
Масула і Сінджара, экстрэмісты захапілі і іншыя галоўныя хрысціянскія цэнтры. Баевікі
знішчаюць крыжы, захопліваюць касцёлы і цэрквы, забіваюць ці абкладаюць данінай хрысціян
і прадстаўнікоў іншых рэлігійных меншасцяў. Паводле Патрыярха Вавілоніі Луіса І Сако,
многія хрысціянскія вёскі засталіся зусім пустымі – людзі, не збіраючы рэчаў адпраўляюцца
на поўнач краіны, шукаючы ратавання ў Курдыстане. На дарогах шмат бежанцаў, сярод
якіх жанчыны, старыя і дзеці. Іерарх адзначыў, што ўлады не маюць сіл і арміі, для
таго, каб абараніць насельніцтва ад тэрарыстаў. На яго думку, неабходна тэрміновая
мабілізацыя грамадстваў іншых краін, каб спыніць гуманітарную катастрофу ў Іраку.