Касцёл – за канструктыўны дыялог з кітайскімі ўладамі
“Каталіцкі Касцёл
у Кітайскай Народнай Рэспубліцы жывы і актыўны. Ён імкнецца быць верным Евангеллю
і крочыць праз абмежаванні і цяжкасці”, адзначыў кардынал Дзяржсакратар Пьетра Паралін
у інтэрв’ю італьянскаму каталіцкаму выданню “Famiglia cristiana”. “Апостальская Сталіца,
– дадаў пурпурат – з’яўляецца прыхільніцай паважлівага і канструктыўнага дыялога з
грамадзянскімі ўладамі, дзеля пошуку вырашэння праблем, якія абмяжоўваюць поўню веравызнання
для католікаў і гарантавання атмасферы сапраўднай рэлігійнай свабоды”.
Кажучы
пра сітуацыю у Паўднёвай Карэі і хуткі візіт папы Францішка ў гэту краіну, кардынал
Паралін падзяліўся вынікамі некаторых сацыялагічных даследванняў, якія кажуць пра
вялікі ўплыў мясцовага Касцёла на жыццё карэйскага грамадства. Ён большы, чым у любой
іншай рэлігійнай супольнасці. “Папа Францішак паедзе ў Карэю, таксама для таго, каб
прывезці пасланне супакою, прымірэння і адзінства, каб новыя імпульсы для дыялога
паспрыялі заканчэнню канфліктаў, якія да сённяшняга дня разрываюць паўвостраў і карэйскі
народ”, - адзначыў высокі ватыканскі іерарх. Кардынал Паралін падзяліўся перакананасцю
ў тым, што пасланне Папы сустрэне сэрцы і галовы адкрытыя на яго прыняцце. “Паўднёвая
Карэя – гэта першая азіяцкая краіна, якая мае гонар прыняць Францішка, візіт якога
будзе пацвярджэннем вялікай увагі да мясцовага Касцёла”, - адзначыў пурпурат.
Парадарожжа
Святога Айца ў Паўднёвую Карэю пройдзе 14-18 жніўня 2014 г. Ён прыме удзел у VI Днях
азіяцай моладзі і ўзначаліць беатыфікацыю 124 карэйскіх мучанікаў. У Паўднёвай Карэі
пражывае каля 5,3 млн. католікаў. Гэта трэцяя па велічыні і самая хуткарослая рэлігійная
група ў краіне.