Thirrje e Papës për popullsitë kineze të dëmtuara nga tërmeti

Në përfundim të audiencës së përgjithshme, Papa bëri thirrje për popullsitë kineze, dëmtuar rëndë nga tërmeti:
“U shpreh afërsinë time popullsive të provincës kineze të Yunnan, të dëmtuara rëndë nga tërmeti, që shkaktoi edhe një mori viktimash e dëmesh. Lutem për të vdekurit e familjarët e tyre, për të plagosurit e për të pastrehët. Zoti u dhëntë ngushëllim, shpresë e solidaritet në provë”.
Ndërkaq ka arritur në 589, numri i të vdekurve, nësa të plagosur deri tani janë 2.300 vetë. Skuadrat ndihmës së shpejtë punojnë papushim në territor, në një shi të rrëmbyer, që i vështirëson edhe më shumë kërkimet për të shpëtuar ç’mund të shpëtohet e shumë rrugë tashmë janë të papërdorshme. Në kërkim të të humburve e të të plagosurve po punojnë më se 18 mijë vetë: ushtarë, forca paraushtarake, funksionarë policie e zjarrfikës.