Չորեքշաբթի 6 Օգոստոսին կը նշուի Պօղոս Զ Քահանայապետին մահուան 36-րդ տարելիցը։ Այս
առթիւ Կարտինալ Ռէ` երբեմնի կառավարիչը եպիսկոպոսներու ժողովին, յետշիջօրէի ժամը 5-ին,
հոգեհանգստեան պատարագ կը մատուցէ ս. Պետրոս տաճարի աւագ խորանին վրայ, ի պատրաստութիւն
Պօղոս Զ Քահանայապետի երանացման, որ տեղի պիտի ունենայ յառաջիկայ 19 հոկտեմբերին Վատիկանի
մէջ։ Այս տարի կը նշուի նաեւ Պօղոս Զ Քահանայապետի հրապարակած` ''Ecclesiam Suam''
տիտղոս կրող առաջին շրջաբերական թուղթին 50-րդ տարեդարձը նուիրուած Կաթողիկէ Եկեղեցւոյ
ու յատկապէս Եկեղեցւոյ այժմէականութեան եւ իր առաքելութիւնը իրագործելու ուղիին։ Շրջաբերական
թուղթը հրապարակուած է 6 Օգոստոս 1964-ին։