Ватыканская дыпламатыя імкнулася да балансу сіл перад Першай сусветнай вайной
Мірная дыпламатыя
Святога Пасаду падчас Першай сусветнай вайны была накіравана на тое, каб забяспечыць
так званай k.u.k.-манархіі (імператарскай і каралеўскай) у Аўстра-Венгрыі ролю каталіцкага
прадстаўніка ў Еўропе. Гэты тэзіс прадставіў у інтэрв’ю Ватыканскаму радыё брытанскі
гісторык Джон Полард, гаворачы аб міжурадавых намаганнях Апостальскай Сталіцы. Ватыкан
бачыў сябе як гаранта балансу сіл паміж каталіцкай Аўстра-Венгрыяй, з аднаго боку,
і дамінуюча пратэстанцкай Германіяй, з іншага, для недапушчэння пачатку вайны, сказаў
выкладчык Кембрыджскага ўніверсітэта. Гэтата ж датычыла і балансу паміж манархіяй
Габсбургаў і праваслаўнай Расіяй, лічыць гісторык. “Ватыкан таксама меў кантакты з
прэзідэнтам Вільсанам у ЗША і спрабаваў рашуча пераканаць яго, каб Амерыка не ўступала
ў вайну”, - сказаў аўтар кнігі “Бэнэдыкт XV – невядомы Папа і імкненне да міру”.
Але
мірнымі ініцыятывамі Апостальскай Сталіцы адзначаўся не толькі пантыфікат Бэнэдыкта
XV. Добрым адносінам з Аўстрыяй спрыяў папа Пій Х, які паходзіў з Венецыі, што да
1866 г. належала да манархіі. Ужо ў яго часы ватыканская дыпламатыя працавала над
забеспячэннем міру ў Еўропе праз баланс сіл.