Святы Айцец у Казерце: Бог заўсёды пакідае нам выбар спосабу сустрэчы з Ім
Больш за 200 тысяч.
чалавек прынялі ўдзел 26 ліпеня 2014 г. у св. Імшы ў паўднёваітальянскім горадзе Казерта,
якую ўзначаліў папа Францішак. Ён заахвоціў сабраных не губляць надзею і падкрэсліў,
што яе дае толькі Езус, Які ніколі не расчароўвае. Пантыфік падчас гаміліі спаслаўся
на прыпавесці аб Божым Валадарстве. Менавіта яны прыводзяць нас да высновы, што Валадарства
прысутнічае ў асобе Езуса, растлумачыў ён. У кожнага свой уласны шлях да Яго, дадаў
Папа. “Для аднаго сустрэча з Езусам нешта доўгачаканае і пажаданае, вынік доўгіх пошукаў,
для іншых, гэта нешта нечаканае, раптоўнае. Гэтыя розныя дарогі нагадваюць нам, што
Бог заўсёды пакідае нам выбар спосабу сустрэчы з Ім. Ён заўсёды першым чакае спаткання
з намі, і прыйшоў, каб быць “Богам з намі”, падкрэсліў Францішак і дадаў, што Бог
таксама шукае тых, хто не шукае Яго.
Святы Айцец адзначыў, што Езус вельмі
выразна паказаў, як дасягнуць Божага Валадарства: не хопіць толькі энтузіязму або
радасці адшукання скарбу, але трэба паставіць каштоўную жамчужыну Валадарства вышэй
за любы іншы зямны скарб, паставіць Бога на першае месца ў сваім жыцці, вышэй за ўсё.
“Дазволіць на першынства Бога, значыць мець мужнасць казаць “не” злу, насіллю, злоўжыванням;
жыць, служачы адзін аднаму на карысць правоў і агульнага дабра”, - перакананы Папа.
У гэтым кантэксце, Францішак адзначыў, што асабліва важна ахоўваць і клапаціцца пра
навакольнае асяроддзе, мець мужнасць супрацьстаяць усім формам карупцыі і беззаконня.
Святы
Айцец прыбыў у Казерту 26 ліпеня ўвечары. Спачатку, перад Эўхарыстыяй, ён правёў сустрэчу
за зачыненымі дзвярыма з духавенствам мясцовай дыяцэзіі. Адразу пасля св. Імшы Папа
вылецеў назад ў Ватыкан. Пасля Лампедузы, Кальяры, Асізі, Касана-алё-Ёніё, Кампабаса
і Ізэрніі, гэта была шостая паездка Францішка ў межах Італіі.
Вядома, што
Казерта і рэгіён лічацца цэнтрам арганізаванай злачыннасці.