18 ജൂലൈ 2014, ഫാത്തിമാ പോര്ച്ചുഗലിലെ ഫാത്തിമായില് കന്യകാനാഥ പ്രത്യക്ഷപ്പെട്ട്
വിശ്വശാന്തിയുടെ സന്ദേശം നല്കിയതിന്റെ 100-ാം വാര്ഷികം ആഘോഷിക്കുവാനാണ് മരിയന്നഗരമായ
ഫാത്തിമാ ഒരുങ്ങുന്നതെന്ന് ലൈരിയാ-ഫാത്തിമാ രൂപതാദ്ധ്യക്ഷന് ബിഷപ്പ് അന്തോണിയോ അഗൂസ്തോ
പ്രസ്താവനയിലൂടെ അറിയിച്ചു.
2017-ാണ് ഫാത്തിമാ ദര്ശനത്തിന്റെ ജൂബിലി വര്ഷം
ആഘോഷിക്കപ്പെടുവാന് പോകുന്നത്. 1917 മെയ് 13-ാം ആദ്യമായി കന്യകാനാഥ ഇടയബാലകരായ ലൂസിയാ,
ജസീന്താ, ഫ്രാന്ചേസ്ക്കോ എന്നിവര്ക്കു പ്രത്യക്ഷപ്പെട്ടതിന്റെ 100-ാം വാര്ഷികം വിപുലമായി
ആചരിക്കുവാനാണ് ഫാത്തിമാ ഒരുങ്ങുന്നത്.
മൂന്നു ഘട്ടങ്ങളായുള്ള ജൂബിലി ഒരുക്കങ്ങളില്
ആദ്യത്തേത് 2010-2011 വര്ഷത്തില് ആചരിച്ച ത്രിത്വസ്നേഹവും, 2012-2013-ല് കൊണ്ടാടിയ
‘ഭയപ്പെടേണ്ടാ,’ എന്ന ക്രിസ്ത്വാഹ്വാനം ധ്യാനിച്ചുകൊണ്ടുള്ള പരിപാടികളുമായിരുന്നു. ഇനി
2014-2015-ല് ‘ദൈവസ്നേഹത്താല് വലയംചെയ്യപ്പെട്ട ലോക’ത്തെ ചിന്താവിഷയമാക്കികൊണ്ടും ജൂബിലി
ഒരുക്കള് തുടരുകയാണെന്ന് ഫാത്തിമായില് ഇറക്കിയ പ്രസ്താവനയില് ബിഷപ്പ് അഗൂസ്തോ വ്യക്തമാക്കി.
കന്യകാനാഥയുടെ
ഫാത്തിമാ ദര്ശനത്തിന്റെ ആത്മീയ ചൈതന്യവും ഉള്ക്കാമ്പും പുനരാവിഷ്ക്കുവാനും പഠിക്കുവാനും
വിശ്വാസികള്ക്ക് അപൂര്വ്വ അവസരമായിരിക്കും ജൂബിലി ആഘോഷമെന്ന് ബിഷപ്പ് അഗൂസ്തോ പ്രസ്താവനയിലൂടെ
അറിയിച്ചു.