കസേര്‍ത്താ സന്ദര്‍ശനം
വിശുദ്ധ അന്നയുടെ തിരുനാളില്‍
18 ജൂലൈ 2014, വത്തിക്കാന്പാപ്പാ ഫ്രാന്‍സിസ് തെക്കെ ഇറ്റലിയിലെ കസേര്‍ത്താ രൂപത സന്ദര്‍ശിക്കുമെന്ന് പരിസുദ്ധ സംഹാസനത്തിന്‍റെ വക്താവ് ഫാദര്‍ ഫ്രെദറിക്കോ ലൊമ്പാര്‍ഡി അറിയിച്ചു. ജൂലൈ 26-ാം തിയതി ശനിയാഴ്ച രൂപതാമദ്ധ്യസ്ഥയായ വിശുദ്ധ അന്നയുടെ തിരുനാളിലാണ് പാപ്പാ കസേര്‍ത്താ സന്ദര്‍ശനം നടത്തുന്നത്.
ഉച്ചതിരിഞ്ഞ് വത്തിക്കാനില്‍നിന്നും കസേര്‍ത്തായിലെ കൊട്ടാര മുറ്റത്ത് ഹെലിക്കോപ്റ്ററില്‍ ഇറങ്ങുന്ന പാപ്പാ, രൂപതയുടെ ഭദ്രാസന ദേവാലയത്തില്‍വച്ച് സ്ഥലത്തെ വൈദികരുമായി കൂടിക്കാഴ്ച നടത്തും.
പ്രാദേശിക സമയം വൈകുന്നേരം 6 മണിക്ക് കസേര്‍ത്തായിലെ കൊട്ടാരാങ്കണത്തില്‍ വിശ്വാസികള്‍ക്കൊപ്പം പാപ്പാ സമൂഹബലിയര്‍പ്പിക്കുമെന്നും ഫാദര്‍ ലൊമ്പാര്‍ഡി പ്രസ്താവനയില്‍ വ്യക്തമാക്കി. മാത്രമല്ല, ജൂലൈ 28-ാം തിയതി തിങ്കളാഴ്ച കസേര്‍ത്തായിലുള്ള ബ്യൂനസ് ഐരസിലെ മുന്‍കാല സുഹൃത്ത് ഇവാഞ്ചേലിക്കല്‍ പാസ്റ്റര്‍, ജോണ്‍ ത്രെത്തീനോയുമായുള്ള തികച്ചും സ്വകാര്യകൂടിക്കാഴ്ചയ്ക്കായി പാപ്പാ ഫ്രാന്‍സിസ് അവിടേയ്ക്ക് മറ്റൊരു യാത്രകൂടി നടത്തുമെന്നും ഫാദര്‍ ലൊമ്പാര്‍ഡി പ്രസ്താവനയിലൂടെ അറിയിച്ചു.
| All the contents on this site are copyrighted ©. |