Մարդու մը կեանքը կախեալ չէ իր ամբարած հարստութենէն (Ղկ 12, 13-21)
Աւետարանը մեզի կը յիշեցնէ նա մանաւանդ մեզմէ կը պահանջէ որ միշտ կազմ ու
պատրաստ ըլլանք մահուան որովհետեւ այն ժամուն երբ չենք սպասեր մարդու Որդին պիտի
գայ: Ուխտաւոր ենք այս վաղանցուկ աշխարհի մէջ, հոս մնայուն բնակարան չունինք
եւ մեր ճշմարիտ հայրենիքը երկինքն է: Այս կէտին կ'ուղղուի մեր կեանքը: Որքան
ուշացնենք մեր մահուան ժամանակը դեղերով, դարմանումներով, կամայ ակամայ, պիտի
հանդիպինք Տիրոջ հետ եւ այս հանդիպումի ընթացքին է որուն որ շատ տրուեցաւ,
անկէ շատ պիտի պահանջուի: Աշխարհի մտայնութիւնը հետեւեալն է' այնքան արժէք
ունիս որքան դրամ ունիս: Մարդիկ արժեւորուած են իրենց ունեցած հարստութեան,
ընկերային դասակարգով, վարկով եւ ոյժով, սակայն այս բոլորը, Աստուծոյ աչքին ամենեւին
անարժէք են: Եթէ այսօր իմանամ որ անբուժելի հիւանդութենէ մը բռնուած եմ եւ
թէ շատ ժամանակ չունիմ ապրելիք...ի՞նչ պիտի ընեմ իմ դրամովս, վարկովս, ուժովս:
Անոնք ոչ մէկ բանի պիտի ծառայեն: Մենք պիտի դատուինք ոչ թէ մեր ունեցածին
այլ Աստուծոյ եւ մերձաւորին հանդէպ տածած մեր սիրոյն վրայ : Հ. Գէորգ Վրդ. Զապարեան.