2014-07-03 11:55:28

Պաղտատի կը խոստանայ ժողովրդավարութիւնը ջախջախել


ՏԱՀԵՇ-ի ղեկավար Ապուպաքր Պաղտատի Խալիֆա հռչակուելէն ետք իր առաջին ձայնային ուղերձին մէջ յայտնեց, որ ներկայիս աշխարհը բաժնուած է երկու կողմերու` Իսլամական պետութեան զօրակցողներ եւ անհաւատներ:
Պաղտատի քննադատեց աշխարհիկութիւնը, ժողովրդավարութիւնը եւ ազգայնական շարժումները, իսկ խալիֆայութեան հռչակումը ուժի ազդակ նկատեց:
Պաղտատի ըսաւ, որ Իսլամական պետութիւնը իսլամներու համար է` աւելցնելով, որ Սուրիան եւ Իրաքը սուրիացիներուն եւ իրաքցիներուն համար չեն: Ան կոչ ուղղեց գաղթելու բոլոր անոնց, որոնք կրնան «խալիֆայութեան պետութիւն» գալ: Ան նաեւ խոստացաւ գրաւել Հռոմը:
Միւս կողմէ` Մարդկային իրաւանց սուրիական դիտարանը հաղորդեց, որ Իսլամական պետութիւնը «Հալէպի վիլայէթ»-ին մէջ ազատ արձակած է իր մօտ գտնուող 100 արգելափակեալներ` իսլամական խալիֆայութեան հաստատման առիթով «հաւատացեալներու իշխան» Ապուպաքր Պաղտատիի հրապարակած ներումի հրամանագիրին հիմամբ:







All the contents on this site are copyrighted ©.