Afrikë Qendrore: 12.000 refugjatë në katedralen e Bambarit
“Kemi pritur të paktën 12.000 vetë në katedralen e Shën Jozefit, të cilët janë pa
asnjë ndihmë” – tha për agjencinë Fides Imzot Eduard Mathos, ipeshkvi i Bambarit,
në Republikën e Afrikës Qendrore, ku dhuna e milicianëve të Selekës ka detyruar të
shpërngulen një pjesë të madhe të banorëve. “Kanë ardhur disa OJQ për të kontrolluar
gjendjen, por deri tani nuk ka mbërritur asnjë ndihmë humanitare. Mungon gjithçka,
jo vetëm ushqimi, por deri edhe shtroja, ku mund të ulen njerëzit. Vetëm kryqi i kuq
është duke na siguruar ujin, ndërkohë që jemi duke hapur në oborr gropën e ujrave
të zeza”, vijon ipeshkvi. “Bëj thirrje që të ndërhyhet menjëherë, për të ndalur një
fatkeqësi humanitare” – përfundon Imzot Mathos.