У Кракаве пройдзе прэзентацыя лагатыпа Сусветных дзён моладзі 2016 г.
Публічная прэзентацыя
лагатыпа Сусветных дзён моладзі, якія пройдуць у польскім Кракаве ў 2016 г., адбудзецца
3 ліпеня ў мясцовай мітрапалітальнай курыі. У конкурсе прымалі ўдзел 224 праекты.
Конкурсная камісія рэкамендавала пяць з іх для зацвярджэння Папскай радай па справах
свецкіх. Ні адна з прадстаўленых прапаноў, аднак, не атрымала адабрэнне. У сувязі
з гэтым, аргкамітэт моладзевага форуму даручыў падрыхтоўку праектаў некалькім незалежным
дызайнерам, якія не прымалі ўдзелу ў конкурсе. З гэтых праектаў Папская рада па справах
свецкіх выбрала пераможцу.
У прэс-канферэнцыі, падчас якой адбудзецца прэзентацыя
лагатыпу, возьме ўдзел кардынал Станіслаў Дзівіш, арцыбіскуп Кракаўскі і былы асабісты
сакратар св. Яна Паўла ІІ, члены аргкамітэту і аўтар лагатыпа, імя якога не публікуецца.
Падчас сустрэчы прагучыць інфармацыя аб конкурсе на гімн Сусветных дзён моладзі
і зменах у структуры аргкамітэту. Апрача таго, будзе абвешчана афіцыйная малітва форуму.