Deklarata e Atë Federico Lombardit për vrasjen e të rinjve izraelitë
Pikëllim i thellë dhe bashkim me dhimbjen e atyre që janë goditur nga pasojat e urrejtjes.
Këto janë ndjenjat e Papës Françesku, pas lajmit për vrasjen e tre të rinjve izraelitë,
që ishin deklaruar të humbur. Në lidhje me këtë ngjarje tragjike, drejtori i Sallës
së Shtypit të Vatikanit, Atë Federico Lombardi, deklaroi sa vijon: Lajmi për vrasjen
e tre të rinjve izraelitë është lajm i tmerrshëm dhe dramatik. Vrasja e njerëzve të
pafajshëm është gjithmonë krim i pështirë dhe i papranueshëm, si edhe pengesë shumë
e madhe në udhën drejt asaj paqeje, për të cilën duhet të vijojmë të angazhohemi dhe
të lutemi pa u lodhur. Dhuna kërkon dhunë dhe e ushqen qerthullin vrastar të urrejtjes.
Papa Françesku bashkohet me dhimbjen e patregueshme të familjeve të goditura nga kjo
dhunë vrastare dhe me dhimbjen e të gjithë njerëzve të prekur nga pasojat e urrejtjes.
Ai i lutet Hyjit që t’i frymëzojë të gjithë me mendime të mëshirëshme dhe paqësore.