Oboli apo lëmosha e Shën Pjetrit për bamirësinë e Papës
Sot në mbarë botën katolike u mblodh Oboli apo lëmosha e Papës. Oboli i Shën Pjetrit
është ndihma ekonomike, që i ofrojnë besimtarët Atit të Shenjtë, si shenjë e bashkimit
me Pasardhësin e Shën Pjetrit, për nevojat e shumta të Kishës universale si dhe për
veprat e bamirësisë, në ndihmë të të varfërve. Lëmosha e Papës mblidhet në mbarë botën
katolike më 29 qershor, ose në të dielën më të afërt me Solemnitetin e Apostujve Pjetër
e Pal. Në Itali nisma njihet me emrin “Dita për bamirësinë e Papës”, sivjet me
temë nga Letra e dytë e Shën Palit drejtuar Korintinanëve për t’i ftuar t’i ndihmojnë
Kishat e varfra të Maqedonisë: “Çka ju keni më tepër, të plotësojë sa atyre u mungon”.