Սուրբ Աթոռի մամլոյ գրասենեակը հաղորդեց թէ` ուրբաթ 27 յունիսի յետմիջօրէին, Ֆրանչիսկոս
Սրբազան Քահանայապետին Ճեմելլի բազմաբուժարան կատարելիք այցելութիւնը չեղեալ նկատուած
է, Նորին Սրբութեան թեթեւ անհանգստութեան պատճառաւ։ Նախատեսուած Սուրբ պատարագի զոհը
պիտի գլխաւորէ Միլանոյի Արքեպիսկոպոս` Կարտինալ Սքոլան որ նաեւ պիտի արտասանէ Ֆրանչիսկոս
Սրբազան Քահանայապետին այս առթիւ պատրաստած քարոզը։
Յայտնենք թէ Նորին Սրբութիւնը
Ճեմելլին պիտի այցելէր, բազմաբուժարանի հիմնադրութեան 50-րդ տարեդարձին առթիւ։
--------------- Ֆրանչիսկոս
Սրբազան Քահանայապետի գործունէութիւնը` Նորին Սրբութիւնը կ՛այցելէ ''Ճեմելլի''ի բազմաբուժարանը։
Ուրբաթ, 27 յունիս 2014-ի առաւօտուն, Յիսուսի Ամենասուրբ սրտին տօնին
օրը, ֆրանչիսկոս Սրբազան Հայրը, իր գրասենեակին մէջ յաջորդաբար ընդունեց` Կարտինալ Փիթէր
Թուրքսոնը` Խաղաղութիւն եւ արդարութիւն Քահանայապետական խորհուրդի նախագահը, Կարտինալ
Սթանիզլաւ Ռիլքօն` Աշխարհականներու Քահանայապետական խորհուրդի նախագահը եւ Կարտինալ Ֆերնանտօ
Ֆիլոնին` Ժողովուրդներու աւետարանութեան ժողովի կառավարիչը։ Իսկ յետմիջօրէի
ժամը 4-ին, Սրբազան Հայրը հովուական այցելութիւն կը կատարէ` կաթողիկէ համալսարանի ''Ճեմելլի''
բազմաբուժարանին, անոր հիմնադրութեան 50-րդ տարեդարձին առթիւ։ Յայտնենք թէ
Ֆրանչիկոս Պապը կը հանդիսանայ 5-րդ Քահանայապետը որ կ՛այցելէ բազմաբուժարանը որուն պաշտպանութիւնը
յանձնուած է Յիսուսի Ամենասուրբ սրտին։
Նորին Սրբութիւնը ''Ճեմելլի'' ժամանումին
հանդիպում կ՛ունենայ հիւանդներուն հետ ու ապա բազմաբուժարանի` Յոսուսի Սուրբ Սիրտ եկեղեցւոյ
մէջ կը հանդիպի համալսարանական ընտանիքի հասարակութեան հետ անոնց ուղղելով պատգամ մը։
Սրբազան Հայրը այս առթիւ ''ճեմելլի'' հիւանդանոցին կը նուիրէ Սուրբ Յովհաննէս ԻԳ եւ Սուրբ
Յովհաննէս Պօղոս Բ-ի մասունքները, Ան ապա բժշկական մասնաճիւղի հրապարակի տարածքին վրայ
կը գլխաւորէ սուրբ պատարագի արարողութիւնը։