Հայկական հարցի ֆրանսական բիւրօն կազմակերպած է ռատիօթոն մը, որ պիտի կայանայ Յունիս
28ին, եւ որուն նպատակն է դրամահաւաք կատարել ի նպաստ սուրիահայութեան: Ծրագիրը, որ երրորդ
անգամն ըլլալով կ՛իրականանայ, պիտի սփռուի Ֆրանսայի երեք հայկական ռատիօկայաններէ՝ «AYP
FM», «Radio Armenie» եւ «Radio A»: «Ներկայիս, երբ Սուրիոյ հայ համայնքը ծայրայեղ
իրավիճի մէջ կը գտնուի, մենք պէտք է օգնութեան ձեռք երկարենք, աջակցինք եւ մեր միասնականութեան
մասին յայտնենք», կը նշեն ռատիօթոնի կազմակերպիչները՝ ընդգծելով, որ այսպիսի հանգանակութիւն
մը կազմակերպուած է 2013ի Սեպտեմբերին, որուն մեծ թիւով անձեր մասնակցած են: