Ֆրանչիսկոս Քահանայապետի 26 յունիսի քարոզը՝ Յիսուս ժողովուրդին սիրտը կը ջերմացնէ
Հինգշաբթի, 26 յունիսին առաւօտեան, Ֆրանչիսկոս Քահանայապետը, Տոմուս Սանթա Մարթայի մատրան
մէջ մատուցած Սուրբ Պատարագի քարոզը կեդրոնացուց հետեւեալ հարցումին վրայ` ''Ինչո՞ւ
բազմաթիւ մարդիկ կը հետեւէին Յիսուսին''։ Սրբազան Հայրը նկատել տուաւ, թէ Յիսուս ունէր
շատ հետեւոդներ, որովհետեւ անոնք հմայուած էին Յիսուսի ուսուցումէն, Անոր արտասանած խօսքերէն,
որոնք կը հրապուրէին հաւատացեալները։ Ուրշիներ - ըսաւ Ֆրանչիսկոս Պապը - միայն կը
զրուցէին, բայց երբեք չէին մօտենար ժողովուրդին ։ Յիսուս Բարի Հովիւ մըն է - ըսաւ
Ֆրանչիսկոս Պապը – ներկայացնելով չորս տարբեր խումբերու օրինակներ` Փարիսեցիները, Սադուկեցիները,
որոնք հաւատքնին կորսնցուցած էին եւ քաղաքական հարցերով կը զբաղէին։ Յեղափոխականները,
որոնք կ՛ուզէին Իսրայելի ժողովուրդը ազատել Հռովմէացիներու գերիշխանութենէն, եւ ի վերջոյ
վանականները, որոնք մեկուսացած ու հեռու կ՛ապրէին ժողովուրդէն։ Յիսուս ասոնցմէ ոչ մէկուն
կը նմանէր։ Ան սրտերը կը ջերմացնէր ու Անոր պատգամը կը հասնէր բոլորին սրտին։ Որո՞ւն
կ՛ուզեմ հետեւիլ ես ` ըսաւ Քահանայապետը իր քարոզի աւարտին ու հայցեց, որ այս հարցումը
մեզ մղէ աղօթելու եւ խնդրելու Աստուծմէ` մեր Հօրմէն, որ մեզ զետեղէ Յիսուսին մօտ, որպէսզի
հետեւինք Անոր եւ հրապուրուինք անոր խօսքերով։