Քոլոմպիայի միաստուածեան երեք կրօնապետերը խաղաղութեան ի խնդիր համաձայանգիր մը պիտի
ստորագրեն։
Քոլոմպիայի պատմութեան մէջ, առաջին անգամուան համար, միաստուածեան երեք կրօնապետերը խաղաղութեան
ի խնդիր միացեալ համաձայանգիր մը պիտի ստորագրեն յառաջաիկայ մէկ յուլիսին, Պոկոթա` մայրաքաղաքի
առաջնորդարանին մէջ։ Քոլոմպիայի եպիսկոպոսական համահաւաք դասի օգնական քարտուղարը`
հայր Պետրօ Սեպետա այս լուրը հաղորդելով մատնանշեց որ այս վաւերաթուղթով երեք համայնքապետերը`
կաթողիկէ, հրեայ եւ իսլամ, միասնաբար պիտի աշխատին Քոլոմպիայի եւ աշխարհին խաղաղութեան
ու հաշտութեան համար։ Այս նախաձեռնութիւնը շարունակութիւն մըն է ֆրանչիսկոս Քահանայապետի
նախաձեռնութեան, որ անցեալ 8 յունիսին Վատիկանի մէջ աղօթեց Ս. Երկրի խաղաղութեան համար,
մասնակցութեամբ Իսրայէլի ու Պաղեստինի նախագահներուն։