Папа Францішак падорыць
рымскай клініцы “Джэмэллі” рэліквіі нядаўна кананізаваных Яна ХХІІІ і Яна Паўла ІІ.
Гэта адбудзецца падчас яго візіту ў вядомую медыцынскую ўстанову 27 чэрвеня 2014 г.,
ва ўрачыстасць Найсвяцейшага Сэрца Езуса. Трэба адзначыць, што 50-гадовая гісторыя
клінікі блізка звязана з гэтымі папамі. Менавіта Ян ХХІІІ, у 1961 г. інаўгураваў адкрыццё
факультэта хірургіі і медыцыны Каталіцкага універсітэта Найсвяцейшага Сэрца Езуса,
якому яна прыналежа. Ян Павел ІІ, у сваю чаргу, быў частым пацыентам гэтай медыцынскай
установы. Менавіта тут Пантыфік, праходзіў лячэнне пасля замаху ў 1981г. і ў апошнія
месяцы свайго жыцця.
Па прыбыцці ў “Джэмэллі” папа Францішак прывітае пацыентаў,
якія змогуць выйсці на плошчу перад клінікай і якія будуць назіраць за візітам высокага
госця з вокнаў. Затым, сустрэнецца з хворымі. Пасля візіту ў мясцовы касцёл і перадачы
рэліквій святых Яна ХХІІІ і Яна Паўла ІІ, ён звернецца да супрацоўнікаў клінікі і
ўніверсітэта з прамовай.
Кульмінацыяй візіту Святога Айца стане Эўхарыстыя,
якую ён ўзначаліць на адной з плошчаў на тэрыторыі шпіталя.