Արդարութիւն եւ խաղաղութիւն քահանայապետական խորհուրդը միջազգային դիւնագիտութեէն խնդրած
է լուծել Իրաքի տագնապը։
ԱՄՆի արդարութիւն եւ խաղաղութիւն եպիսկոպոսական յանձնախումբը, անցեալ 19 յունիս 2014-ին,
Ամերիկեան կառավարութենէն խնդրած է` դիւանագիտութեան ճամբով լուծել Իրաքի զինեալ տագնապը,
մատնանշելով որ ԱՄՆը յատուկ պատասխանատուութիւն ունի հանդէպ Իրաքեան ժողովուրդին։ Գերապայծառ Ռիչարտ Փադէս` վերոյիշեալ յանձնախումբին նախագահը, նամակ մը յղած է ազգային անվտանգութեան պատասխանատու` Սուզան Ռայսին, խնդրելով որ Ուաշինկթոն իր կարելին ընէ, որպէսզի Իրաքի ազգային ղեկավարները կազմեն ''միութեան կառավարութիւն մը'', այնպէս որ բոլոր քաղաքացիները իրենք զիրենք զգան որպէս հայրենիքին մաս։
Նշենք որ 2006-ին Նուրի ալ Մալիքիի երկրի վարչապետ ընտրութենէն ի վեր, երկրի սիւննիները իրենք զիրենք մեկուսացած կը զգան եւ երկրի հարցերէն հեռու, այս մէկը զանոնք մղեց յարելու Իրաքի իսլամական պետութեան բանակին։
Գերապայծառ Ռիչարտ Փադէս` իր նամակին մէջ ընդգծած է որ ԱՄՆը յատուկ պատասխանատուութիւն ունի Իրաքի ժողովուրդին հանդէպ, քանի ամերիկեան բռնագրաւումը յառաջ բերաւ միջկրօնական ընդհարումներ ու ծայրայեղական շարժումներ, երկու ողբերգական երեւոյթներ, որիոն զոհ գնաց իրաքի ժողովուրդը։
| All the contents on this site are copyrighted ©. |