Մարոնի Եպիսկոպոսական Սիւնհոտոսը նախագահական Աթոռին թափուր մնալը Լիբանանի համար վտանգաւոր
նկատեց
Մարոնի համայնքի եպիսկոպոսական Սիւնհոտոսը աւարտեց իր աշխատանքները` շեշտելով, որ հանրապետութեան
նոր նախագահ մը չընտրելը սահմանադրութեան դէմ է, ինչպէս նաեւ կը հակադրուի Ազգային ուխտին:
Սիւնհոտոսը նախագահական աթոռին թափուր մնալը Լիբանանի համար վտանգաւոր նկատեց: Եպիսկոպոսները
մարոնի համայնքի Պշարա Ռայի պատրիարքին Ս. Հողեր այցելութիւնը նկատեցին յուսադրիչ այն
լիբանանցիներուն համար, որոնք Իսրայէլի մէջ կը գտնուին: Անոնք կոչ ուղղեցին միջազգային
ընտանիքին օժանդակելու Լիբանանին, ուր աւելի քան մէկ միլիոն սուրիացի գաղթականներ կան: Միւս
կողմէ, նախագահական ընտրութիւններուն առումով, Մարոնիներու լիկան նոր շարժումներ պիտի
որդեգրէ` միջմարոնիական համախոհութիւն գոյացնելու նպատակով: