Папа на заканчэнне візіту ў Калабрыю: перамагаць зло дабром, праўдай і прыгажосцю
Кульмінацыяй душпастырскага
візіту Святога Айца ў італьянскую Калабрыю стала Эўхарыстыя на ўзбярэжжы Іанічнага
мора, у мястэчку Сібары. У сваёй гаміліі Папа распавёў пра неад’емныя аспекты жыцця
хрысціянскага народа: пашану да Езуса Эўхарыстычнага і крочанне разам з Ім. Францішак
нагадаў, што для хрысціян самай высокай пашаны варты толькі Бог, а не такія ідалы,
як грошы, славалюбства, пыха і ўлада. Вера ў Хрыста, паводле яго, становіцца сапраўднай
калі вернікі крочаць за Ім і з Ім, намагаючыся спаўняць на практыцы Ягоную запаведзь:
“Як Я палюбіў вас, так і вы любіце адзін аднаго”. Пантыфік заклікаў сведчыць аб канкрэтнай
салідарнасці з братамі, асабліва найбольш патрабуючымі справядлівасці, надзеі і пяшчоты.
“Вы, дарагая моладзь, не дазвольце скрасці вашу надзею! Аддаючы пашану Езусу ў вашых
сэрцах і прабываючы ў адзінстве з Ім будзьце здольнымі супрацьстаяць злу, несправядлівасці,
насіллю сілай дабрай, праўды і прыгажосці”, - пажадаў на развітанне Папа.
Эўхарыстыя
ў Сібары стала заключным момантам падарожжа Святога Айца ў Калабрыю. Пасля яе заканчэння
Пантыфік на верталёце адправіцца ў Ватыкан.