Прадстаўнік Святога Пасаду: візіт Папы ў Албанію – “сігнал” цяперашняга пантыфікату
Рашэнне папы Францішка
абраць Албанію ў якасці мэты першага еўрапейскага падарожжа з’яўляецца сігналам, які
характарызуе цяперашні пантыфікат, лічыць кс. Фэдэрыка Ламбардзі, афіцыйны прадстаўнік
Святога Пасаду. Гэта, на яго думку, параўнальна з першым візітам Пантыфіка на італьянскі
востаў Лампедуза. Францішак накіруецца ў сталіцу Албаніі Тырану 21 верасня 2014 г.
Матывам свайго першага “еўрапейскага” візіту Папа назваў доўгі пераслед Касцёла ў
гэтай краіне. Балканская дзяржава мае вельмі доўгую гісторыю пакутаў, якія сталі “вынікам
ідэалогій мінулага”, заявіў сам Францішак 15 чэрвеня 2014 г. падчас сустрэчы з вернікамі
на плошчы св. Пятра. Ён прызнаўся, што з задавальненнем прыняў запрашэнне біскупаў
і дзяржаўнага кіраўніцтва.
Дакладная праграма аднадзённага візіту пакуль афіцыйна
не агучана. Гэта будзе чацвёртае замежнае падарожжа папы Францішка.
Албанія
пад кіраўніцтвам прэзідэнта Энвера Ходжы абвясціла сябе ў 1960-х гадах “першай атэістычнай
дзяржавай у свеце”. Рэлігіі, і асабліва Каталіцкі Касцёл, спазналі ў камуністычную
эпоху беспрэцэдэнтныя ганенні. Сёння з прыкладна 3 млн. чалавек, шостая частка лічаць
сябе католікамі. Большасць албанцаў мусульмане, каля 20% з’яўляюцца праваслаўнымі.