Քեսապահայեր տուն կը վերադառնան
250 ընտանիք Քեսապ կը վերադառնայ. Տեղահանուած քեսապցի ընտանիքներ Քեսապի ազատագրումով, եւ սուրիական բանակին աւանի ապահով յայտարարումով սկսած են վերադառնալ ահաբեկչական զինեալ խմբաւորումներուն կողմէ հրկիզուած, թալանուած ու կիսաքանդ դարձած իրենց բնօրրանը, այս մասին կը յայտնէ սուրիական «ՍԱՆԱ» լրատու գործակալութիւնը։
Լաթաքիոյ նահանգապետին թելադրանքով շրջանի պետական ենթակառոյցներու (ջուր, ելեկտրականութիւն, հաղորդակցութեան միջոցներ եւայլն) վերականգնման աշխատանքները պիտի ամբողջանան յառաջիկայ երեք օրերուն ընթացքին։
Ահաբեկիչ խմբաւորումները հրկիզած են եկեղեցիներն ու մշակութային կեդրոնները, թալանած են բնակարանները, վաճառատուներն ու քեսապցիներուն գիւղատնտեսական սարքերը։
| All the contents on this site are copyrighted ©. |