Ի տես Իրագի մէջ տիրող անխաղաղ ու տագնապալից իրավիճակին, Պաղտատի Լատիններու Արքեպիսկոպոսը`
գերապայծառ Ժան Պէնժամին Սլայման յայտարարած է թէ ''միջազգային հասարակութեան միջամտութիւնը
անհրաժեշտ չէ եւ թէ Իսլամական Պետութիւն հռչակող խմբաւորումներու առած քայլը կարելի է
ընդհատել միմիայն իրագեան իշխանութիւններու միասնական աշխատանքով, որ շատ աւելի կարեւոր
է քան որեւէ արտագին միջամտութիւն։ Միւս կողմէ Քաղտէացիներու Պատրիարք` գերերջանիկ Լուիս
Սաքօ, հրաւիրած է` Իրագի մէջ եւ սփիւռս աշխարհ գտնուող քաղտէացի հաւատացեալները, չորեքշաբթի
18 Յունիսը նուիրելու աղօթքի եւ ծոմապահութեան, վասն Իրագի մէջ խաղաղութեան եւ ապահովութեան
վերահաստատումին։