Францішак: суддзя – гэта мадэль бездакорнай маралі для ўсяго грамадства
Папа Францішак сустрэўся
17 лістапада 2014 г. з членамі Вышэйшай судовай рады Італіі. Ён заклікаў італьянскіх
суддзяў да свабоды ад асабістых поглядаў і ідэалагічных перакананняў падчас выдавання
прысудаў. У сваёй прамове Святы Айцец засяродзіўся на этычным аспекце іх працы. Ён
адзначыў, што закон прадугледжвае абарону свабоды і незалежнасці суддзяў. Незалежнасць
судовай сістэмы і аб’ектыўны характар выдадзенага прысуду патрабуюць ўважлівага і
руплівага прымянення дзеючага заканадаўства. “Прававая пэўнасць і баланс паміж рознымі
органамі ўлады дэмакратычнага грамадства знаходзяць свой сінтэз у законнасці, у імя
якой дзейнічае судовая сістэма”, - сказаў Францішак.
Ад суддзі залежаць рашэнні,
якія закранаюць не толькі правы або статус уласнасці грамадзян, але тычацца ўсяго
жыцця чалавека. Таму сярод інтэлектуальных, псіхалагічных і маральных асаблівасцяў
працы суддзі дамінуе цнота разважлівасці, неабходная для адшукання балансу паміж правам
і існуючымі фактамі. У большай меры яе будзе мець той, у каго высокі ўзровень ўнутранай
раўнавагі, здольнай пераадолець тэндэнцыі ўласнага характару, асабістых поглядаў і
ідэалагічных перакананняў, лічыць Святы Айцец.
Францішак заклікаў суддзяў,
быць для ўсяго грамадства “мадэллю бездакорнай маралі”. Ён спаслаўся на прыклад двух
суддзяў: Віторыа Бакэлета, намесніка старшыні Вышэйшай судовай рады ў 1970-х гадах,
забітага тэрарыстамі Чырвоных брыгад, і Разарыё Лавітана, забітага мафіяй, чый беатыфікацыйны
працэс трывае ў гэты час. “Яны далі цудоўнае сведчанне стылю, адпаведнага свецкаму
хрысціяніну: лаяльнага адносна дзяржаўных інстытутаў, адкрытага для дыялогу, рашучага
і адважнага ў абароне справядлівасці і чалавечай годнасці”, - сказаў Папа.
Члены
Вышэйшай судовай рады павінны былі наведаць папу Францішка 9 чэрвеня 2014 г., але
аўдыенцыя была адменена ў сувязі з прастудай Святога Айца, за што ён прынёс прабачэнні
ў самым пачатку сённяшняга спаткання.