13 ജൂണ് 2014, വത്തിക്കാന് വിശുദ്ധരുടെ നാമകരണത്തിനായുള്ള ഡിക്രി പാപ്പാ ഫ്രാന്സിസ്
പ്രസിദ്ധപ്പെടുത്തി. നാമകരണ നടപടികള്ക്കായുള്ള വത്തിക്കാന് സംഘത്തിന്റെ പ്രീഫെക്ട്
കര്ദ്ദിനാള് ആഞ്ചലോ അമാത്തോയുമായി ജൂണ് 13-ാം തിയതി വെള്ളിയാഴ്ച രാവിലെ നടന്ന കൂടിക്കാഴ്ചയിലാണ്
പാപ്പാ പുതിയ ഡിക്രി അംഗീകരിച്ച്, പ്രകാശനംചെയ്തത്.
+ ഫ്രെഞ്ചുകാരന് ഇടവകവൈദികനും,
മറിയത്തിന്റെ ദാസികള് എന്ന സന്ന്യസസഭാ സ്ഥാപകനുമായ ധന്യനായ ലൂയി എഡ്വേര്ഡ് സ്റ്റാക്കിന്റെയും
(1801 – 1868) + ആഫ്രിക്കയിലെ കേനിയ സ്വദേശിനി ദൈവാരൂപിയുടെ മിഷണറി സഭാംഗം ധന്യയായ
ഐറീന് സ്റ്റേഫന്റെയും (Aurelia Jacqueline Mercedes) (1891-1930) മദ്ധ്യസ്ഥ്യത്താല്
നേടിയ അത്ഭുത രോഗശാന്തികള് അംഗീകരിച്ചുകൊണ്ടുള്ള അവരെ ഡിക്രിയില് പാപ്പാ ഒപ്പുവച്ച്
അംഗീകരിച്ചു. ഈ അംഗീകാരത്തോടെ മേല്പറഅഞ്ഞ ധ്യനാത്മാക്കള് ആസന്ന ഭാവിയില് ‘വാഴ്ത്തപ്പെട്ടവരു’ടെ
(Blessed) പദത്തിലേയ്ക്ക് ഉയര്ത്തപ്പെടുന്നതാണ്. -------- + ഇറ്റലിക്കാരന് ഇടവക
വൈദികനായ ലൂയിജി സവാരെ (1878 – 1949), + ട്യൂറിന്കാരനും വിശുദ്ധ യൌസേപ്പിതാവിന്റെ
സന്ന്യാസസഭയുടെ സഹസ്ഥാകനുമായ യൂജീന് റേഫോ (1843-1925) + ഇംഗ്ലണ്ട്കാരിയും ദൈവമാതാവിന്റെ
ദാസിമാരുടെ സന്ന്യാസ സഭാസ്ഥാപകയുമായ ഫ്രാന്സ് മാര്ഗ്രറ്റ് ടെയിലര് (1832-1900) +
ഇറ്റലിക്കാരിയും ആഫ്രിക്കയിലെ ഭക്തരായ അമ്മമാരുടെ മിഷണറി സഭാംഗവുമായ മരിയ ജോസെഫാ ഷിങ്കിള്
(1849-1903) + ഇറ്റലിക്കാരനും വിശുദ്ധ പൗലോസ് അപ്പസ്തോലന്റെ നാമത്തിലുള്ള ബെനഡിക്ടൈന്
ഒബ്ലേറ്റ് സഭാംഗവുമായ ഇത്താലാ അപ്ലേ (1904-1957)
എന്നിവരുടെ ജീവിതത്തിലെ വീരോചിത
പുണ്യങ്ങള് അംഗീകരിക്കുന്നതുമായ ഡിക്രിയാണ് പാപ്പാ ഫ്രാന്സിസ് അംഗീകരിച്ചത്. തങ്ങളുടെ
ക്രൈസ്തവ ജീവിത സമര്പ്പണം വിശുദ്ധയില് ജീവിച്ച് കടന്നുപോയവരെ തുടര്ന്ന് ‘ദൈവദാസരാ’യി
(Servants of God) ആഗോളസഭ ഉയര്ത്തുന്നു..