Папа сустрэўся з французскай абаронцай інстытута сям’і
Папа Францішак сустрэўся
з Людавін Дэ Ля Рашэр – лідэрам французскага руху “Маніфестацыя для ўсіх”, які выступае
ў абарону інстытута сям’і, супраць легалізацыі аднаполых саюзаў і распаўсюджвання
гендэрнай ідэалогіі. 43-гадовая грамадская актывістка, прафесар і былы прэс-сакратар
Канферэнцыі Біскупаў Францыі прыняла ўдзел у ранішняй Эўхарыстыі з Пантыфікам ў Доме
св. Марты 12 чэрвеня 2014 г. Пасля літургіі яна пазнаёміла Святога Айца з галоўнымі
выклікам, якія стаяць перад рухам і падзякавала яму за падтрымку. Сустрэча была кароткай
і працягвалася ўсяго каля пяці хлівін. Дэ Ля Рашэр расказала Папе пра сітуацыю сям’і
і сужэнства ў Францыі, пазнаёміла са зместам некаторых заканадаўчых праектаў, якія
рыхтуюцца французскімі ўладамі ў гэтай сферы, а таксама выказала занепакоенасць тым,
што сям’я “падвяргаецца нападам з усіх бакоў”. Адначасова Дэ Ля Рашэр падкрэсліла,
што рух “Маніфестацыя для ўсіх” паступова становіцца міжнародным і яго аддзяленні
адкрываюцца ў розных краінах Еўропы. Перш чым пакінуць Ватыкан, французская грамадская
актывістка падаравала Святому Айцу белую футболку з лагатыпам руху, якім з’яўляецца
стылізаваная выява сям’і.
Рух “Маніфестацыя для ўсіх” узнік ў Францыі ў 2013
г. у якасці адказу на прыняцце закону аб легалізацыі аднаполых саюзаў. Ім былі арганізаваны
буйныя маніфестацыі ў абарону сям’і, якія мабілізавалі прадстаўнікоў розных веравызнанняў
і палітычных поглядаў.