Նոր սուրբերու հռչակման համար Կարտինալական ժողով։

Հինգշաբթի 12 յունիս 2014-ի առաւօտեան ժամը 10-ին, Վատիկանի առաքելական պալատի Քոնչիսթորօ դահլիճին մէջ, յետ ժամասացութեան արարողութեան, տեղի ունեցաւ Կարտինալական ժողով` որուն ընթացքին քննարկուեցան եւ վաւերացուեցան հետեւալ՝ Երանելիներու սրբադասման դատը։


Երանելի Ճովաննի Անթոնիօ Ֆարինա, Վիչէնցա թեմի երբեմնի եպիսկոպոս եւ ''Suore Maestre di Santa Dorotea Figlie dei Sacri Cuori'' միաբանութեան հիմանդիր ։
Երանելի Սուրբ Ընտանիքի Քուրիքոզէ Էլիաս Չավարա` քահանայ եւ Անարատ Յղութեան քարմելիթներու Միաբանութեան հիմնադիր։
Երանելի Լուտովիկօ Տա Քազորիա, փոքրիկ եղբայրներու միաբանութեան անդամ ու հիմանդիրը - ''Էլիզապէթթինէ'' Ֆրանչիսկեան Քոյրերու միաբանութեան։
Երանելի Նիքոլա Տա Լոնկոպարտի` Օպլաթ միաբանութեան անդամ։

Երանելի Քոյր Էուֆրասիա Էլուվաթինկալ՝ ''Մայր Քարմելօ'' Քոյրերու միաբանութեան անդամ։
եւ Երանելի Հայր Ամաթօ Ռոնքոնի, Սուրբ Ֆրանչիսկոսի Գ-րդ կարգի միաբանութեան անդամ ու հիմնադիր՝ Սալուտէչոյ քաղաքի ՝աղքատ ուխտաւորներու հիւանդանոցին, որ այժմ կը կոչուի Երանելի Պիոս Ամաթօ Ռոնքոնի հանգստավայր։
Կարտինալական ժողովի աւարտին, Ֆրանչիսկոս Սրբազան Հայրը, որոշեց Երանելիներու գրանցումը` Սուրբերու մատեանին մէջ, 23 նոյեմբեր 2014-ին, Քրիստոս Թագաւոր Տիեզերքի տօնին օրը։



Կարտինալ Ռէնաթօ Մարթինօ նշանակուած է ''նախասարկաւագ'' Ան կը յաջորդէ ֆրանսացի կարտինալ Թոռանին։
Կարտինալական հրապարակային ժողովին ընթացքին, ֆրանչիսկոս Քահանայապետը 81 տարեկան Կարտինալ Ռէնաթօ Մարթինօ նշանակեց որպէս ''նախասարկաւագ''։ Սակայն քահանայապետ ընտրելու պարագային ան իրաւունք պիտի չունենայ մասնակցելու պապական ընտրութեան։ Կարտինալ Ռէնաթօ Մարթինօ եղած է նախագահը արդարութիւն եւ խաղաղութիւն քահանայապետական խորհուրդի։