Ватыканскі іерарх: трэба прыглядзецца таму, што адбылося з кансэкраваным жыццём
Ні ў якім выпадку
не можна ставіць пад сумнеў пастаноў ІІ Ватыканскага Сабору. Яны з’яўляюцца абавязковай
адпраўной кропкай для ўсіх кансэкраваных асоб, падкрэсліў сакратар Кангрэгацыі па
справах Інстытутаў кансэкраванага жыцця і Таварыстваў апостальскага жыцця, арцыбіскуп
Хасэ Радрыгес Карбальё, у сувязі з падрыхтоўкай да Года кансэкраванага жыцця. Згодна
з пажаданнем Святога Айца, ён пачнецца ў Першую нядзелю Адвэнту 2014 г. і скончыцца
ў Сусветны дзень кансэкраванага жыцця ў 2016 г. Ён пройдзе ў кантэксце сур’ёзнага
крызісу, у якім знаходзіцца кансэкраванае жыццё ў апошнія дзесяцігоддзі.
Як
мяркуе арцыбіскуп Карбальё, які сам з’яўляецца францішканінам, кансэкраваныя асобы
павінны зрабіць тое, што рэкамендаваў для ўсяго Касцёла св. Ян Павел II на заканчэнне
Вялікага Юбілею 2000 года: памятаць мінулае з удзячнасцю, горача пражываць сучаснасць
і з надзеяй адкрыць сябе на будучыню. На думку ватыканскага іерарха, трэба асаблівым
чынам прыглядзецца таму, што адбылося з кансэкраваным жыццём пасля Сабору, улічваючы,
што асамблея стала для яго выдатным дарам.