Papa është i pamundur, shtyn impenjimet e paradites
Impenjimet e paradites së Papës Françesku shtyhen. Drejtori i Sallës së Shtypit, atë
Federiko Lombardi, informoi gazetarët se Ati i Shenjtë është i pamundur dhe nuk do
të takohet me priorin e Bashkësisë së Bozes, atë Enco Bianki, as do të presë Këshillin
e Lartë të Magjistraturës, sipas programit. Atë Lombardi sqaroi se Papa është tejet
i lodhur nga lutja e djeshme për paqen në Vatikan, në praninë e presidentit izraelit
Shimon Peresh dhe të atij palestinez, Mahmud Abas.