Սուրիոյ մէջ այսօր տեղի կ’ունենայ նախագահական ընտրութիւն: Իտալական «Լ’Էսփրեսօ» օրաթերթը
երէկ անդրադառնալով ընտրութեան նախագահ Պաշշար Ասատի յաղթանակը նախատեսեց` աւելցնելով,
որ վարչակարգը «երթանք ընտրական կեդրոններ, որպէսզի կառուցենք Սուրիոյ յաղթանակը» կարգախօսով
կը փորձէ ոչնչացնել ընտրութիւնները պոյքոթի ենթարկելու ուրուականը: Վարչակարգն ու
23 միլիոն սուրիացիներ, որոնցմէ 9 միլիոնը իրենց տուներէն հեռու է, չեն կասկածիր, որ
48 տարեկան Ասատ 3¬րդ անգամ ըլլալով պիտի ստանձնէ նախագահի պաշտօնը: Ասատի մրցակիցներն
են գործարար, Ասատի կառավարութեան նախկին նախարար Հասան Ապտել Իլլահի Նուրին (59 տարեկան)
եւ հալէպցի համայնավար Մահեր Ապտել Հաժժարը(43 տարեկան), որ քաղաքացիական պատերազմին
սկիզբը հակակառավարական խաղաղ ցոյցեր կը կազմակերպէր: Ներկայիս անոր աշխատասենեակին մէջ
կախուած է Ասատի դիմանկարը: Ընդդիմադիրներն ու արեւմտեան երկիրներու ղեկավարները ընտրութիւնը
կեղծիք կը նկատեն: