Францішак прывітаў удзельнікаў праваслаўна-каталіцкага форума
Атрымаўшы звестку
пра IV Еўрапейскі праваслаўна-каталіцкі форум, які праходзіць 2-6 чэрвеня 2014 г.
у Мінску, “папа Францішак пажадаў скіраваць словы сардэчнага прывітання ў адрас Яго
Эксцэленцыі Мітрапаліта Паўла, арцыбіскупа Тадэвуша Кандрусевіча, каталіцкіх і праваслаўных
братоў у біскупстве, шаноўных дакладчыкаў і ўсіх удзельнікаў форума”, гаворыцца ў
паведамленні, якое кардынал Дзяржсакратар Пьетра Паралін скіраваў на імя Апостальскага
нунцыя ў Беларусі арцыбіскупа Клаўдыё Гуджэроцці. “Выражаючы сваё задавальненне гэтай
ініцыятывай і спадзеючыся на тое, што праца форума будзе спрыяць умацаванню сяброўскіх
адносінаў і адзінства, Яго Святасць выказвае надзею, што свабода веравызнання ў Еўропе
будзе гарантавана ва ўсіх яе аспектах і хрысціяне заўсёды змогуць даць адказ пра сваю
надзею лагодна, з павагай і добрым сумленнем”, - напісаў кардынал Дзяржсакратар і
дадаў, што папа Францішак “сардэчна запэўнівае ўсіх удзельнікаў форума ў сваёй благаслаўляючай
памяці”.