Këtë javë Papa Françsku pret Katholikosin e Armenëve
Agjenda ekumenike e Papës Françesku shënon një tjetër takim me vlerë. Katholikosi
i Kishës Armene Apostolike të Cilicisë, Arami I, me banim në Liban, do të jetë këtë
javë Romë, për t’u takuar me Papën Françesku. Më 5 qershor Papa dhe Patriarku do të
luten së bashku, por Katholikosi i Armenëve do të zhvillojë edhe disa takime me dikasteret
e Kurjes Romake, veçanërisht në Këshillin Papnor për Bashkimin e të Krishterëve. Arami
I u zgjodh Katholikos i Kishës së Madhe të Cilicisë më 28 qershor 1995 dhe është takuar
edhe me dy paraardhësit e Papës Françesku. Kisha Armene Apostolike ka rreth 6
milionë besimtarë dhe dy patriarkate. Ndërmjet Kishës Katolike dhe asaj Armene Apostolike
janë zhvilluar marrëdhënie të reja pas Koncilit II të Vatikanit. Gjatë kësaj vizite,
Katholikosi, njëkohësisht kryetar i komitetit qendror të Këshillit Ekumenik të Kishave,
do të ndalet në lutje mbi varrin e kreut të apostujve, në Bazilikën e Vatikanit, dhe
para shtatores së Shën Gregorit Përndritës, ati i Armenisë së krishterë, që gjendet
në njërën ndër kamaret e tremes veriore të Bazilikës.