ՀՀ սփիւռքի նախարար Հրանուշ Հակոբեանն ընդունեց Տանն Կիլիկիոյ Կաթողիկէ Հայոց Կաթողիկոս
- Պատրիարք Ներսէս Պետրոս ԺԹ-ին
Մայիսի 29-ին ՀՀ սփիւռքի նախարար` Հրանուշ Հակոբեան, ընդունեց Տանն Կիլիկիոյ Կաթողիկէ
Հայոց Կաթողիկոս - Պատրիարք Ներսէս Պետրոս ԺԹ-ին: Հանդիպման ընթացքում քննարկուեցին
Հայոց ցեղասպանութեան 100-րդ տարելիցին ընդառաջ Հայ Կաթողիկէ Եկեղեցու ջանքերի համախմբման,
ցեղասպանութեան զոհերի յիշատակի ոգեկոչման միջոցառումների կազմակերպման վերաբերեալ հարցեր:
Կարևորուեց ողջ աշխարհում հայ կաթողիկէ համայնքի համախմբումը և Հայոց ցեղասպանութեան
ճանաչման և դատապարտման կոչերով մարդկութեանը մշտապէս ականջալուր դարձնելու պահանջը:
Առանձնակի կարևորուեց Հռոմի Ֆրանչիսկոս Պապի վերաբերմունքը Հայոց ցեղասպանութեան ճանաչման
և դատապարտման հարցում: Քննարկուեցին նաև Հայ Կաթողիկէ Եկեղեցու թեմերին կից դպրոցներում
հայերէնի դասաւանդման, հայեցի դաստիարակության, հոգևորականների պատրաստման, եկեղեցիներում
հայալեզու քարոզի և պատարագի մատուցմանը վերաբերող հարցեր: Նախարար Հակոբեանը Տանն
Կիլիկիոյ Կաթողիկէ Հայոց Կաթողիկոս - Պատրիարք Ներսէս Պետրոս ԺԹ-ին ներկայացրեց Սիրիայի
քաղաքացիական պատերազմի հետևանքով Հայաստան տեղափոխուած սիրիահայերի խնդիրների լուծման
ուղղութեամբ` ՀՀ կառավարության կատարած աշխատանքները և բարձր գնահատեց Հայ Կաթողիկէ Եկեղեցու
ներկայացուցիչների ցուցաբերած մեծ աջակցութիունը ծանր կացութեան մեջ գտնուող սիրիահայերին:
Ներկայացուեց նաև սիրիահայերի համար,Նոր Հալէպ բնակարանաշինութեան ծրագիրը և կարևորվեց
Հայ Կաթողիկէ Եկեղեցու յետագայ աջակցութիւնը սիրիահայերի հիմնախնդիրների լուծմանը: