Пантыфік заклікаў Міжнародную арганізацыю працы дапамагчы моладзі і мігрантам

Святы Айцец скіраваў сваё пасланне да ўдзельнікаў 103-й сесіі Міжнароднай арганізацыі працы, якая праходзіць 28 мая - 12 чэрвеня 2014 г. у Жэневе.Праца чалавека з’яўляецца часткай стварэння і працягам творчай працы Бога”, - нагадаў Папа. Менавіта таму, дадаў ён, працу трэба разглядаць і ў якасці дару, і ў якасці абавязку, бо “праца – гэта не проста тавар; яна мае сваю, уласцівую ёй годнасць і каштоўнасць”. Пантыфік перакананы, што жэнеўская канферэнцыя сабралася “у вырашальны момант сацыяльна-эканамічнай гісторыі, які з’яўляецца выклікам для ўсяго свету”. Гаворка ідзе пра беспрацоўе і пашырэнне беднасці. Многія маладыя людзі ў наш час, дэмаралізаваныя адсутнасцю працы, губляюць пачуццё ўласнай годнасці і здабываюць пачуццё адчужанасці ад грамадства, звярнуў увагу Францішак. Ён нагадаў, што толькі магчымасць свабоднай, творчай і салідарнай працы можа прывесці да павышэння годнасці жыцця.

Пантыфік звярнуў увагу на яшчэ адзін сур’ёзны выклік для свету – масавую міграцыю. Колькасць людзей, вымушаных шукаць працу далёка ад сваёй радзімы з’яўляецца прычынай сапраўднай турботы. “Нягледзячы на іх надзеі на лепшую будучыню, яны часта сутыкаюцца з недаверам і адчужэннем, не кажучы ўжо пра трагедыі і катастрофы”, - звярнуў увагу Папа. Гэтыя асобы часта становяцца ахвярамі “глабалізацыі абыякавасці”, складаючымі якой з’яўляюцца: гандаль людзьмі і нявольніцкая праца.

На думку Францішка, палепшыць сітуацыю могуць: міжнародная салідарнасць, імкненне паставіць у цэнтр усіх намаганняў чалавечую асобу, больш рашучае ажыццяўленне міжнародных працоўных нормаў, пераацэнка адказнасці міжнародных карпарацый, палягчэнне перамяшчэння мігрантаў. Пантыфік заклікаў супрацоўнікаў Міжнароднай арганізацыі актыўна спрыяць ажыццяўленню гэтых ідэй.