Дзейнасць каталіцкіх дабрачынных структур на Блізкім Усходзе абмяркуюць у Ватыкане
Апостальская Сталіца
арганізуе сустрэчу паміж дабрачыннымі каталіцкімі арганізацыямі, якія дзейнічаюць
на карысць насельніцтва Сірыі і ўсяго Блізкага Усходу. Арганізатарам форума, які пройдзе
30 мая 2014 г. у Ватыкане, з’яўляецца Папская рада “Cor Unum”. Мэтай мерапрыемства
з’яўляецца каардынацыя дзейнасці ўсіх дабрачынных структур, якія дзейнічаюць у рэгіёне.
Чакаецца, што ў сустрэчы прымуць удзел прадстаўнікі 25 арганізацый. Перад імі выступяць
кардынал Дзяржсакратар Пьетра Паралін, старшыня Папскай рады “Cor Unum” кардынал Рабэр
Сара і Апостальскі нунцый у Сірыі арцыбіскуп Марыё Дзэнары. Удзельнікі сустрэчы пазнаёмяцца
са справаздачай аб выніках працы каталіцкіх дабрачынных арганізацый на Блізкім Усходзе
за мінулы год і абмяркуюць будучае супрацоўніцтва.
Святы Пасад праз сваю дыпламатычную
дзейнасць, якая ажыцяўляецца цэлай сеткай нунцыятур, праз адносіны з мясцовымі Касцёламі
і дабрачынныя каталіцкія арганізацыі актыўна ўдзельнічае ў гуманітарных праграмах
і аказвае дапамогу насельніцтву Сірыі, якое ўжо на працягу амаль трох гадоў пакутуе
ад грамадзянскай вайны.