Shenjtëria e tij Bartolomeu është Patrik Ekumenik i Konstandinopojës. Dimitrios Arhondonis
lindi në vitin 1940, në ishullin e Imvros (Turqi). Pas studimeve të para e të mesme
shkollore, nisi formimin në Halki, në vitin 1961, ndërsa shërbimin ushtarak e kreu
si oficer rezervë në forcat e armatosura turke (1961-1963). U dërgua, për t’u specializuar
në Drejtësi kanonike në Institutin Oriental (Romë), pastaj në Institutin Ekumenik
të Bossey (Zvicër) e, së fundi, në Universitetin e Munihut, në Bavari. U doktorua
në filozofi pranë Universitetit Gregorian, në Romë, me një tezë mbi Kushtetutat kanonike
të Kishës Ortodokse. U shugurua diakon, me emrin Bartolomeo, në vitin 1961, pastaj
meshtar, më 1969. Metropolit i Filadelfias (Azia e Vogël), u shugurua më 1973; Metropolit
i Kalçedonisë, më 1990. U zgjodh i 270-ti Kryepeshkop i Konstandinopojës, Romës së
Re, e Patriark Ekumenik, më 22 tetor 1991. Vizitoi Benediktin XVI, në Vatikan,
më 6 mars 2008 e mori pjesë në kremtimet me rastin e dymijëvjetorit të lindjes së
Shën Palit, me Papën Racinger (28.29 qershor 2008). Së fundi, më 19 mars 2013, me
rastin e Meshës për fillimin e papnisë së Papës Françesku, erdhi në Vatikan: ishte
hera e parë, pas skizmës së madhe të vitit 1054, që një patrik ortodoks merrte pjesë
në kremtimin e fillimit të papnimit të Papës së Romës.