Երուսաղէմի մէջ Հոգեւոր Առաջնորդներու հետ Ֆրանչիսկոս Պապի հանդիպումին պիտի մասնակցի
նաեւ Երուսաղէմի Հայոց Պատրիարքը։
Ֆրանչիսկոս Պապի Մայիս 24-26 Երուսաղէմ կատարած ուխտագնացութեան ընթացքին, Նորին Սրբութիւնը`
Սուրբ Յարութեան տաճարին մէջ, հանդիպում կ՛ունենայ Երուսաղէմի հոգեւոր առաջնորդներուն
հետ, որուն պիտի մասնակցի նաեւ Երուսաղէմի հայոց պատրիարք Նուրհան արեքպիսկոպոս Մանուկեանը:
Երուսաղէմի պատրիարքի տեղապահ սրբազան Արիս արքեպիսկոպոս Շիրվանեան նշած է, որ հանդիպումի
ընթացքին հաւանական է որ քննարկուին ընդհանուր հոգեւոր խնդիրներ, հարցեր եւ նոր ժամանակներու
մարտահրաւէրները: Արիս արքեպիսկոպոս Շիրվանեան յիշեցուցած է, որ 50 տարի առաջ, երբ
Պօղոս Զ-րդ Պապը յատուկ այցելութիւն կատարած է Իսրայէլ, Երուսաղէմի հայոց պատրիարքարանին
մէջ հանդիպում ունեցած է նաեւ Երուսաղէմի պատրիարք Թորգոմ արքեպիսկոպոս Մանուկեանի հետ:
«Պօղոս Զ-րդին յաջորդած երկու պապերը Երուսաղէմ կատարած այցելութեան ժամանակ բաւարարուած
են հոգեւոր հովիւներու հետ ընդհանուր հանդիպումով` այցելութեան խիստ սահմանափակ ժամանակին
պատճառով»,- ըսած է Շիրվանեան։ Ֆրանչիսկոս Պապի այց-ուխտագնացութիւնը նուիրուած է յիշատակելու
50 տարի առաջ` 1964-ին Պօղոս Զ-րդ Պապի Երուսաղէմ այցելութիւնն ու Աթենակորաս` Յոյն տիեզերական
օրթոտոքս Պատրիարքի հետ ողջագուրումը: