Shtegtimi tradicional i shqiptarëve tek Zoja e Këshillit të Mirë në Gjenacan
Të diel, më 25 maj 2014, Zoja e Këshillit të Mirë në Gjenacan pret përsëri bijtë e
vet shqiptarë nga të katër anët e Italisë e të botës. Liturgjinë eukaristike,
që do të fillojë në orën 11.00 dhe lutjen drejtuar Zojës së Këshillit të Mirë, do
t’i kryesojë Shkelqësia e Tij, imzot Angelo Massafra, kryetar i Konferencës Ipeshkvnore
të Shqipërisë. Rast i përshtatshëm për t’u lutur, për t’u takuar me miq e dashamirë,
të largët e të afërt, për të shkëmbyer dy fjalë në gjuhën amtare, për të kujtuar të
djeshmën e, sidomos, për t’iu lutur Pajtores së shqiptarëve për një ardhmeri më të
mirë!