Սուրիոյ պատերազմի զոհերուն թիւը անցած է 160 հազարը
Ռուսական «Ինթըրֆաքս» լրատու գործակալութիւնը կը հաղորդէ, որ Սուրիոյ տագնապին պատճառով
զոհերու թիւը մարտ 2011-ի սկիզբէն ի վեր հասած է 162,402-ի: Սուրիոյ մէջ մարդու իրաւունքներու
հարցերով զբաղող լոնտոնեան գրասենեակին տուեալներով` զոհերէն 53,978-ն քաղաքային անձեր
են, ներառեալ` 8,607 երեխաներ: Ընդդիմադիր զինեալներու շրջանին մէջ զոհերու թիւը 42,701
է, ներառեալ` 13,500 Ժապհաթ Նուսրայի եւ Իրաքի եւ Շամի իսլամական պետութեան նման խմբաւորումներու
զինեալներ: Կառավարական զօրքերու զոհերուն թիւը 61,170 է, որոնցմէ 37,685-ը` զինուոր,
իսկ 23,485-ը` կամաւորական զինեալ: Իրաւապաշտպանները նաեւ հաստատած են Հըզպալլայի
438 անդամի, ինչպէս նաեւ սուրիական վարչակարգի կողմնակից 1224 ոչ սուրիացի զինեալներու
մահուան փաստը: Ցուցակին մէջ ներառուած է նաեւ 2891 անուն, որոնց ինքնութիւնը յստակ
չէ: